يلا بينا نشجع بعضينا

ازيكم يا جماعة ان شاء الله يكون الكل بخير وبصحة كويسة انا انهاردة جيبالكم فكرة جديدة ويمكن الفكرة دى تكون مرتبطة بقدوم شهر رمضان وكل سنة وانتم طيبيبن



من غير ما ارغى الفكرة كالآتى



اول حاجة اللى يقرا الموضوع وتعجبه الفكرة وشايف فى نفسه انه ممكن يشترك معانا ياريت مش يبخل علينا برد ويكون معانا



احنا طبعا كلنا مقصرين فى حقنا وحق اللى حوالينا من والدين واقارب واخوة واصدقاء فا احنا محتاجين نشجع بعض عشان نقرب للناس دى ونقرب من نفسينا الاول



الفكرة يا جماعة ان كل يوم هيكون فى اقتراح جديد من والى كل المشتركين فى هذا الموضوع



مثلا هنقول اقتراح اليوم او فكرة اليوم او( طبق اليوم ههههههههه) او واجب اليوم



ان احنا نصلى ركعتين قيام الليل
ان احنا نتصل بــــــ 4 من اقاربنا خالى خالتى عمتى اى حد
ان احنا نستغفر ربنا 100 مرة





وهكذا وتانى يوم كل واحد بعد مايعمل الحاجات اللى احنا اتفقنا عليها يدخل ويقول انا عملت كدة
ويجى حد ينزل فكرة جديدة



بس الموضوع ده عايز انك تدخل كل يوم وتدخل كل شوية عشان تعرف ايه الفكر الجديدة اللى نازلة لو انت حابب تزود حاجة تقولها ونكون كلنا مع بعض ايد واحدة وبكدة لما رمضان يدخل علينا تبقى الحاجات دى بالنسبة لينا حاجات مألوفة بالنسبالنا مش لسة هنبدا ونفكر وبتاع




يارب يارب الموضوع يعجبكم ويكون فيه تفاعل ومشاركات اتمنى من الله
فى رعاية الله وامنه
وجزاكم الله كل الخير